Tip para sa Fair Housing ngayong Buwan

 

 

  • Tip #1 Paghiling para sa mga Makatwirang Tulong

  • Tip #2 Makatwirang Tulong at Foreclosure (Pagreremata)

  • Tip #3 Medical Marijuana bilang Makatwirang Tulong

  • Tip #4 Diskriminasyon Batay sa Bansang Pinanggalingan

  • Tip #5 Pagsagot ng mga Katanungan mula sa mga Maaaring Maging Landlord

  • Tip #6 Ang Pagputol sa Lease bilang isang Makatwirang Pagtulong

  • Tip #7 Diskriminasyon dahil sa Relihiyon

  • Tip #8 Ano Ang Gagawin kapag Hindi Maganda ang Dating Rekord sa Pagiging Tenant

  • Tip #9 Mga Alagang-Hayop na Nagbibigay ng Emosyonal na Suporta

 

Email Newsletter icon, E-mail Newsletter icon, Email List icon, E-mail List iconUpang mag-sign up para sa email list ng Fair Housing sa Tagalog, ipasok ang iyong email address sa kahon sa ibabâ o mag-email sa fairhousing@mhas-la.org:

Upang makatanggap ng mga tip para sa Fair Housing sa Tagalog sa pamamagitan ng mail, ipadala ang iyong pangalan at address sa fairhousing@mhas-la.org o kaya sa:

Fair Housing Tip of the Month - Tagalog

Mental Health Advocacy Services

3255 Wilshire Blvd., Suite 902

Los Angeles, CA 90010

Para sa karagdagang impormasyon, kontakin si Carey Stone: (213) 389-2077, ext. 15. (cstone@mhas-la.org).

Ipinagbabawal ng mga batas para sa Fair Housing ang diskriminasyon sa housing batay sa mga sumusunod na katangian: Lahi, relihiyon, bansang pinanggalingan, kulay, kasarian, marital status*, ninuno*, katayuan ng pamilya, kapansanan, sekswal na oryentasyon*, pinagmumulan ng kita.*

* Ito’y isang ipinagbabawal na batayan para sa diskriminasyon sa California, ngunit hindi sa ilalim ng pederal na batas.

Pagtatanggi: Ang programang Fair Housing Tip ngayong Buwan ay nagbibigay lamang ng kaalaman at hindi isang legal na payô. Kung ikaw ay may legal na katanungan, mangyaring kontakin ang MHAS o ang ibang abogado na iyong gusto.

Ang Tip para sa Fair Housing ngayong Buwan ay pinondohan ng isang grant mula sa U.S. Dept. of Housing & Urban Development Fair Housing Initiatives Program (Grant #FH400G10022).

Tip# 1 Paghiling para sa mga Makatwirang Tulong

“Nakatira ako sa isang malaking apartment building at ayon sa patakaran, maaari lamang kaming pumasok at lumabas sa pintuan sa harap.  Madalas na maraming tao sa pintuan sa harap, at dahil sa aking kapansanan, talagang naiilang akong dumaan sa mga taong iyon kapag pumapasok at lumalabas ako.  Hindi ako nakakapunta minsan sa aking mga appointment dahil masyado akong takot na umalis sa aking bahay dahil ayaw kong gamitin ang pintuan sa harap at makita ang mga hindi kilaláng tao.  Tinanong ko sa management kung puede akong magdaan sa pintuan sa likod at hindi sila pumayag.  Ano ang dapa kong gawin?”

Ayon sa batas:  Iniaatas ng mga batas para sa fair housing na gumawa ng mga eksepsiyon sa mga patakaran ang mga housing provider kapag ito ay kapwa makatwiran at kinakailangan upang pahintulutan ang isang taong mayroong kapansanan na manirahan sa isang pabahay.  Ang mga eksempsiyon na ito ay tinatawag na "mga makatwirang tulong."  Ayon sa batas, kailangang hilingin ng tenant ang tulong at ipakita na kinakailangan ito ng kanyang kapansanan at dapat ipagkaloob ng landlord ang kahilingan, maliban kung ito ay masyadong mahirap o mahal (tinatawag na "undue burden" o sobrang kahirapan) o ito’y nasa labas ng karaniwang sakop ng pagnenegosyo (tinatawag na “fundamental alteration”). 

Ano ang gagawin:  Ipaliwanag sa management ng iyong building na ikaw ay mayroong kapansanan at dahil dito’y talagang naiilang ka na dumaan sa maraming mga tao sa pintuan sa harap.  Humingi ng pahintulot na gamitin ang back o side door bilang makatwirang tulong.  Mainam na isulat ang kahilingan, nang may petsa at iyong pirma.  Maaaring humingi ng sulat ang management mula sa iyong healthcare o service provider na nagpapatunay na mayroon kang kapansanan na nagpapahirap sa iyo na mapaligiran ng mga tao.  Kung tinanggihan ng management ang iyong kahilingan, alamin kung bakit at subukang makipagtulungan sa management na maghanap ng tulong na maigi para sa inyong dalawa.  Maaaring mayroong legal na alalahanin sa kaligtasan ang management sa hindi pagpapagamit ng back door.  Maghanap ng mga magandang solusyon na mag-aalis sa mga alalahanin ng management at na tutugon din sa iyong mga sariling pangangailangan.

Kung hindi kayo makahanap ng solusyon na katanggap-tanggap sa inyong dalawa, at sa palagay mo’y ang iyong housing provider ay hindi nagsisikap na makipagtulungan sa iyo upang maghanap ng praktikal na solusyon, maaari kang magreklamo sa ahensiya ng fair housing sa iyong lugar, sa Department of Fair Employment and Housing (DFEH) ng California o sa U.S. Department of Housing and Urban Development (HUD). 

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 2 Makatwirang Tulong at Foreclosure (Pagreremata)

"Ang aking landlord ay nasa foreclosure dahil hindi niya mabayaran ang kanyang mortgage. Natatakot akong lumipat dahil mayroon akong malubhang kapansanan at dahil dito’y mahirap maghanap ng bagong tahanan. Maaari ba akong humingi ng karagdagang panahon bilang makatwirang tulong? Gaano katagal ang panahong maibibigay sa akin? Anu-ano ang aking mga karapatan?"

Ayon sa batas: Noong 2009, ipinasa ng Kongreso ang pederal na Protecting Tenants in Foreclosure Act (Batas na Nagproprotekta sa mga Tenant sa Pagreremata) (PTFA) upang bigyan ang mga tenant na naninirahan sa narematang property ng karagdagang panahon upang makahanap ng bagong bahay na matitirahan. Sa kasamaang-palad, maraming mga masasamang tao ang hindi sumusunod sa batas upang ipagkait sa mga tenant ang mga karapatang ito upang mapaalis sila nang mabilis sa kanilang property. Minsan ay nakakatanggap ang isang tenant mula sa bangko o sa bagong may-ari ng paunawa na hindi ayon sa batas at na nag-uutos sa tenant na umalis sa loob ng 3 araw. Kaya mahalagang maunawaan mo ang iyong mga karapatan bilang isang tenant kapag may foreclosure.

Sa ilalim ng PTFA, kung ikaw ay mayroong lease at patuloy kang nagbabayad ng iyong renta, hindi ka maaaring paalisin ng bagong may-ari hanggang nagtapós ang iyong lease, maliban kung plano niyang lumipat at tirahan mismo ang iyong unit, at sa gayon ay dapat ka niyang bigyan ng kahit man lamang 90 araw na paunawa. Kung ikaw ay may month-to-month lease (buwanang kontrata ng pag-upa), maaari kang bigyan ng bagong may-ari ng 90 araw na paunawa, sinuman ang maninirahan doon. Kung hindi ka nakabayad ng renta o kung hindi mo sinunod ang kasunduan ng pagpapaupa, maaari ka pa ring mapaalis sa loob ng tatlong araw na paunawa, na maaari ring mangyari kahit na hindi na-foreclose ang property.

Kahit pagkatapos ng isang foreclosure, iniaatas pa rin ng batas sa fair housing na isaalang-alang ng bagong landlord ang kahilingan para sa tulong, at ibigay ang hiniling na tulong kung ito ay makatwiran. Ang makatwirang tulong ay pagbabago sa mga patakaran o pamamaraan upang mabigyan ang isang tao na mayroong kapansanan ng patas ng patas na access sa housing. Ito ay dapat dulot ng kapansanan, at hindi ito maaaring maging isang sobrang kahirapan sa landlord (sinuman ang may-ari ng property).

Ano ang gagawin: Kung hindi ka makakaalis sa loob ng 90 araw dahil sa iyong kapansanan, maaari kang humiling ng extension bilang isang makatwirang tulong. Maaari mong ipahayag na kailangan mo ng karagdagang panahon dahil hindi ka makakahanap ng ibang matitirahan sa loob ng 90 araw dahil sa iyong kapansanan, at ginagawa nitong napakahirap na maghanap ng housing, o dahil kailangan mong makahanap ng isang talagang natatanging uri ng housing (tulad ng pabahay na accessible sa wheelchair) dahil sa iyong kapansanan. Maaaring naospital ka at hindi mo nalaman na may foreclosure hanggang isang buwan lamang bago mo kailangan umalis, at iyon ang dahilan kung bakit kailangan mo ng karagdagang panahon. Gayunman, maaaring sabihin ng bagong may-ari na ang ganoong kahilingan ay hindi makatwiran, dahil ang paghintay upang ibenta ang property ay isang gastos na mas malaki kaysa sa makatwirang inaasahan na bayaran ng landlord. Ang karagdagang panahon ay maaaring ipagkaloob o hindi. Kung hindi ipagkakaloob ng bagong may-ari ang karagdagang panahon na kinakailangan mo upang lumipat, maaari kang mag-file ng reklamo.

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 3 Medical Marijuana bilang Makatwirang Tulong

“Binigyan ako ng reseta para sa medical marijuana upang tulungan ako sa aking kapansanan sa katawan.  Kamakailan lamang ay narinig ko ang aking landlord nang sinabi niya sa isang kapitbahay na ayaw niya ang mga naninigarilyo ng marijuana; natatakot akong mapaalis kapag ginamit ko ito.  Sabi ng kaibigan ko na kapag ginamit ko ang medical marijuana bilang tulong sa isang kapansanan, ayon sa batas ay dapat pahinutulan ako ng aking landlord na gamitin ito.  Totoo ba ito?” 

Sinsasabi ng batas:  HINDI kinakailangan ng iyong landlord na pahintulutan kang gumamit ng medical marijuana ayon sa kasalukuyang batas.  Karaniwan, dapat pahintulutan ng landlord ang mga pagbabago sa mga patakaran at polisiya upang payagan ang isang tao na may kapansanan na manirahan sa isang unit, kung ang mga pagbabago na iyon ay kinakailangan batay sa kapansanan ng tao at kung ang mga pagbabago ay makatwiran.  Ang mga pagbabago na ito sa mga patakaran ay tinatawag na “mga makatwirang tulong.”  Hiniling ng mga tao na pahintulutan ng mga landlord ang paggamit ng medical marijuana bilang makatwirang tulong, ngunit sa ngayon, hindi sinusuportahan ng batas ang karapatan ng tenant na gumamit ng medical marijuana sa kanyang pabahay bilang makatwirang tulong.  Ito ay dahil ang marijuana ay nananatiling kontroladong substance sa ilalim ng pederal na batas, at hindi malamang na ituring na makatwiran ang pilitin ang isang landlord na tanggapin ang isang bagay na ipinagbabawal sa ilalim ng pederal na batas kahit na inaprubahan ng estado ang paggamit nito.  

Ano ang gagawin:  Kung ayaw ng iyong landlord na pahintulutan ang paggamit ng medical marijuana bilang makatwirang tulong, maaari ka pa ring mag-file ng reklamo sa iyong local fair housing enforcement agency, o sa Department of Fair Employment and Housing (DFEH) ng estado.  Gayunpaman,  malamang na ang iyong reklamo ay hindi mauuwi sa anumang pagpapatupad laban sa landlord, ngunit malugod na tinatanggap ng DFEH na magsumite ang mga tao ng mga ganoong reklamo dahil nagdidebelop pa ang batas sa dakong ito.  

Kung ikaw ay naninirahan sa isang pabahay na may federal subsidy, mainam na malaman mo na habang hindi iniuutos ng federal nondiscrimination laws sa mga awtoridad ng public housing na pahintulutan ang medical marijuana bilang makatwirang tulong, nag-isyu ang Department of Housing and Urban Development (HUD) ng memo noong Enero 2011 na nagpapahayag na nasa pagpapasiya ng awtoridad ng public housing ang paalisin o hindi paalisin ang isang tao na gumagamit ng medical marijuana.  Ibig sabihin nito, maaari mong mawala ang iyong housing dahil sa paggamit ng medical marijuana pero ang indibidwal na awtoridad sa pabahay ang magpapasiya tungkol dito.

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 4 Diskriminasyon Batay sa Bansang Pinanggalingan

“Limang taon na ako dito sa bansang ito at hindi Ingles ang aking pangunahing wika.  Kasalukuyang akong naghahanap ng bagong apartment.  Tuwing tatawag ako upang magtanong tungkol sa ‘For Rent’ ad, sinasabi sa akin ng landlord na mayroong nang umuupa.  Bilang eksperimento, hiniling ko sa isang kasamahan sa trabaho na nagsasalita nang walang accent na tawagan ang isa sa mga numero, pagkatapos sabihin sa akin na inuupahan na ang apartment.  Sinabi sa aking kasamahan sa trabaho na ang unit ay available at binigyan siya ng appointment na tingnan ang unit.  Nakakaranas ba ako ng diskriminasyon dahil sa aking accent? Legal ba ito?  Ano ang magagawa ko?” 

Sinasabi ng batas:  Malamang na ikaw ay nakakaranas ng diskriminasyon batay sa bansang pinanggalingan at ito’y hindi legal.  Kapag sinabi ng landlord sa isang gustong umupa na ang unit ay hindi available pagkatapos marinig ang boses ng isang tao, pero ang unit ay available naman (tulad ng sa kasong ito), malamang na nagdidiskrimina sa iyo ang landlord batay sa iyong accent, o maaaring batay sa iyong pangalan.  Ang diskriminasyon batay sa bansang pinanggalingan o etnisidad ay labag sa batas.  Kabilang sa iba pang anyo ng diskriminasyon batay sa bansang pinanggalingan o etnisidad ay ang paghiling ng social security number ng aplikante, pasaporte, sertipiko ng kapanganakan (kung ito ay hindi hiniling sa lahat ng mga aplikante), o ang pagsabi na baka mas maigi para sa aplikante ang ibang bahagi ng lungsod.  

Ano ang gagawin:  Kung sa palagay mo ay nakaranas ka ng diskriminasyon sa pabahay, maaari kang mag-file ng reklamo ng diskriminasyon sa isang local fair housing agency, sa Department of Fair Employment and Housing (DFEH) ng California o  kaya sa federal Department of Housing and Urban Development (HUD).  Ang isa sa mga ahensiya na ito ay maaaring makipag-usap sa landlord upang pahintulutan kang manirahan sa ispesipikong unit na iyon o sa isang katulad na unit.  Gayundin, maaaring multahan ang landlord sa ginagawang diskriminasyon sa pabahay. 

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 5 Pagsagot ng mga Katanungan mula sa mga Maaaring Maging Landlord

“Ano ang gagawin ko kung ako ay nag-aaplay para sa pabahay at tinanong sa akin ng landlord kung ginamot ako kailanman para sa sakit sa kaisipa?  Kailangan ko bang ibigay sa kanya ang personal na impormasyon tulad nito?” 

Sinasabi ng batas:  Hindi mo kailangang sagutin ang katanungang ito.  Sa katunayan, ang landlord na nagtatanong sa iyo ng mga katanungan hinggil sa iyong kalusugan sa kaisipan ay lumalabag sa mga pederal at estadong batas ukol sa patas na pabahay.  Ipinagbabawal ng mga batas sa patas na pabahay na magtanong ang landlord upang malaman ang kapansanan ng isang tao.  Kabilang sa iba pang mga paksa na ipinagbabawal sa landlord na itanong ay ang iyong lahi, kulay, relihiyon, kasarian, bansang pinanggalingan, familial status, marital status, pinagmumulan ng kita, kapansanan sa katawan, ninuno o sekswal na oryentasyon.  

Ano ang gagawin:  Ang isang tugon sa ganoong labag sa batas na tanong ay ang subukang pag-usapan ang mga ibang bagay.  Maaari mong sabihin na “Iyan ay pribadong impormasyon.  Malugod kong sasagutin ang anumang mga katanungan na may kinalaman sa aking pagiging karapat-dapat na tenant.”  Kung patuloy pa ring sinusubukan ng landlord na makuha ang impormasyon sa iyo sa paraang labag sa batas, maaari kang mag-file ng isang reklamo.   

Eksempsiyon:  Mayroong mga programa sa pabahay na nagbibigay ng pabahay sa mga taong mayroong mga kapansanan o sa mga taong mayroong mga ispesipikong kapansanan.  Kung nag-aplay ka ng pabahay sa isa sa mga programang ito, pinahihintulutan ang landlord na magtanong kung ikaw ay kwalipikado.  Halimbawa, kung nag-aplay ka ng pabahay para sa mga taong mayroong kapansanan, maaaring itanong ng landlord kung mayroon kang kapansanan, ngunit hindi niya maaaring itanong kung anong partikular na kapansanan ang mayroon ka.  Kung ikaw ay nag-aplay para sa Housing Opportunities for Persons with AIDS (HOPWA), maaaring itanong  ng landlord kung ikaw ay mayroong AIDS, ngunit hindi niya maaaring itanong ang iyong T-cell count. 

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 6 Ang Pagputol sa Lease bilang isang Makatwirang Pagtulong

“Lumipat ako dito sa aking apartment noong nakaraang anim na buwan pagkatapos pumirma ng isang taon na lease. Sa mga nakaraang ilang linggo, sumamâ ang aking kapansanan sa isip, lalo na dahil sa stress na dulot ng aking mga kapitbahay sa itaas, na nagpapatugtog nang malakas kapag gabing-gabi. Kapag nagreklamo ako sa aking manager, sinasabi lamang niya na nagreklamo ako at pagkatapos ay nagbabanta sila sa akin. Nakakatakot sila at sa palagay ko’y may ginawa sila sa aking sasakyan. Natatakot akong tumawag sa pulis, at sa palagay ko’y hindi ako maaaring manatili dito. Sabi ng aking psychiatrist, kailangan kung umalis para sa aking pangkaisipang kalusugan, pero hindi ko kayang putulin ang aking lease. Ano ang magagawa ko?”  

Ayon sa batas: Sinusuportahan ng mga batas ng fair housing ang karapatan ng isang tenant na may kapansanan na maagang putulin ang isang lease term at iwasan ang multa na karaniwang kailangang bayaran para sa maagang pagtapós ng lease kapag kailangang gawin ito para sa mga dahilang mismong may kinalaman sa kapansanan. Ito’y karaniwang halimbawa ng makatwirang pagtulong, o mga pagbabago sa mga patakaran upang pahintulutan ang isang taong may kapansanan ng patas na access sa housing.  

Ano ang dapat gawin: Sa sitwasyon na ito, kailangan mo siguro ng isang sulat mula sa iyong psychiatrist, na nagpapaliwanag na ang kasalukuyang sitwasyon ay masamâ sa iyong pangkaisipang kalusugan, at dahil sa iyong pangkaisipang kapansanan, mahalagang pahintulutan kang itigil ang iyong lease nang maaga. Kung tinanggihan ng iyong landlord ang kahilingan para sa makatwirang pagtulong, tumawag sa isang abogado o mag-file ng reklamo.

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 7 Diskriminasyon dahil sa Relihiyon

“Kamakailan lamang ay nagpunta ang aking landlord sa aking unit dahil mayroong aayusin, at nagalit siya nang may nakita siyang relihiyosong altar. Pinatatanggal niya ito sa akin at talagang bastos siya. Mayroon ba siyang karapatang sabihin sa akin kung ano ang maaari kong ilagay sa aking bahay?” 

Ayon sa batas: Hindi maaaring kontrolahin ng isang landlord ang mga relihiyosong kaugalian ng mga tenant, basta ang mga kaugaliang ito ay hindi nakakaistorbo sa mga karapatan ng ibang mga tenant o hindi lumalabag sa ibang mga batas. Ang utusan ang isang tenant na tanggalin ang anumang relihiyosong altar, mga simbolo o artwork ay isang anyô ng relihiyosong diskriminasyon, at sa gayon ay ipinagbabawal ng mga batas sa fair housing. Kabilang sa ibang mga anyô ng relihiyosong diskriminasyon ang pagsabi sa mga tenant na hindi sila maaaring magsuot ng mga pantakip sa ulo para sa kanilang relihiyon, ang hindi pagpapahinitulot sa mga tenant na idisplay sa kanilang mga pintuan ang mga simbolo na kailangang idisplay dahil sa kanilang relihiyon, at ang pagpapahintulot ng mga relihiyosong dekorasyon ng isang relihiyon sa mga lugar na para sa lahat, habang ipinagbabawal ang pagdisplay ng ibang mga relihiyosong dekorasyon.  

Ang iisang uri lamang ng diskriminasyon dahil sa relihiyon na pinapahintulutan ay kapag ang building ay pagmamay-ari ng isang relihiyosong institusyon at nirerenta nito ang lugar para lamang sa kanyang mga miyembro. Gayunman, hindi maaaring limitahan ng relihiyon ang membership dahil sa lahi, kulay, o bansang pinanggalingan.  

Ano ang dapat gawin: Kung sa palagay mo’y nakakaranas ka ng diskriminasyon batay sa iyong mga paniniwala, kaugalian, o identidad sa relihiyon, isulat ang lahat ng detalye ng iyong pakikipanayam sa iyong landlord, kabilang ang mga petsa at mga oras kung kailan sila nangyari. Maaari kang magreklamo sa ahensiya ng fair housing sa iyong lugar, sa Department of Fair Employment and Housing (DFEH) ng California o sa U.S. Department of Housing and Urban Development (HUD).

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 8 Ano Ang Gagawin kapag Hindi Maganda ang Dating Rekord sa Pagiging Tenant

“Noon nakaraang apat na taon, pinaalis ako sa isang apartment dahil may ginawa akong hindi kanais-nais, at nangyari ito habang nagbabago ako ng mga gamot. Matatag na talaga ako nitong nakaraang tatlong taon, at naghahanap ako ng bagong apartment. Hindi ko kailanman uulitin ang mga hindi kanais-nais na kilos ngayong stabilized na ako. Paano ko ito ipapaliwanag kapag ako’y nag-aaplay para sa housing at tinanong ako ng landlord tungkol sa dati kong rekord ng pag-upa?”

Ayon sa batas: Ang mga landlord ay pinapahintulutang magkaroon ng pangkalahatang polisiya na hindi magrenta sa mga taong may mga eviction sa kanilang mga record. Gayunman, ayon sa mga batas ng fair housing, dapat handang ipawalang-bisa ng isang landlord ang mga ispesipikong patakaran kung ang pagtanggi na hindi ipawalang-bisa ang mga patakarang iyon ay magpipigil sa isang tao sa isang tirahan dahil sa kanyang kapansanan. Alinsunod dito, habang ang isang landlord ay may karapatang makasigurado na ang isang aplikante ay magiging mabuting tenant, inaasahan siyang pahintulutan ang isang taong may kapansanan na gamitin ang ibang paraan upang ipakita na siya’y magiging mabuting tenant, kung kailangan gawin ito dahil may rekord ng eviction na dulot ng kapansanan. Samakatwid, ang isang taong may kapansanan na nag-aaplay para sa housing ay dapat bigyan ng pagkakataong ipaliwanag ang anumang hindi magandang impormasyon sa kanyang tenant history na dulot ng isang kapansanan, at hilinging ipawalang-bisa para sa kanya, bilang makatwirang pagtulong, ang istriktong polisiya hinggil sa pagkakaroon ng dating eviction.

Ano ang dapat gawin: Ipaliwanag ang iyong sitwasyon sa iyong bagong landlord. Ipaliwanag na dahil sa iyong kapansanan, gumawa ka ng mga hindi kanais-nais na bagay na nauwi sa iyong eviction, pero ngayong mayroon ka ng angkop na treatment, hindi malamang na mangyayari muli ang iyong mga dating ginawa. Maaaring kailangan mong magpakita ng sulat mula sa isang doctor, therapist, o social worker upang kompirmahin ang iyong sitwasyon. Ang maigi ay ang magbigay ng sulat mula sa iyong dating landlord, na nagpapaliwanag na sa pangkalahatan ay mahusay kang tenant, kung hindi lamang sa mga insidenteng nangyari dahil sa iyong kapansanan at na nauwi sa iyong eviction.

Kung tinanggihan ka pa rin ng landlord ng unit, maaari kang magreklamo sa ahensiya ng fair housing sa iyong lugar, sa Department of Fair Employment and Housing (DFEH) ng California o sa U.S. Department of Housing and Urban Development (HUD).

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas

Tip# 9 Mga Alagang-Hayop na Nagbibigay ng Emosyonal na Suporta

“Ang aking tumatandang ina ay nabiyuda noong nakaraang taon at siya’y nagluluksa pa rin. Naninirahan na siya ngayon sa amin, kasama ng aking pamilya, pero ayaw niyang bumangon mula sa kama at sinasabi niyang ayaw na niyang mabuhay. Nais kumuha ng pusa ang aking anak upang masiyahan siya, dahil parang humuhusay ang kanyang mood kapag dinala ng kaibigan ng aking anak ang kanyang pusa upang bumisita. Pero ang aming landlord ay hindi nagpapahintulot ng mga alagang-hayop at ayaw kong ma-evict. Ayaw kong nakikitang naghihirap ang aking ina tulad nito. Ano ang magagawa ko?” 

Ayon sa batas: Maaaring may depression ang iyong ina, at ito’y talagang karaniwang anyô ng pangkaisipang kapansanan na maaaring magamot. Maaaring makatulong sa kanya nang husto ang isang alagang-hayop na nagbibigay ng emosyonal na suporta. Nauunawaan ng batas na paminsan-minsan ay kailangan ng isang tao ang suporta ng pagkakaroon ng alagang-hayop para sa kabutihan ng kanyang emosyonal na pakiramdam, katulad ng pangangailangan ng isang bulag na tao na nangangailangan ng guide dog. Ayon sa batas, dapat pahintulutan ng isang landlord ang isang tenant na may kapansanan sa paningin o pandinig na mag-alaga ng service dog, at kinikilala rin ng mga batas sa fair housing na ang ilang mga taong may kapansanan ay nangangailangan ng mga alagang-hayop na nagbibigay ng emosyonal na suporta. Ang mga alagang-hayop na nagbibigay ng emosyonal na suporta ay hindi kailangang specially trained, registered, o certified, at sa ilalim ng batas sa fair housing ay naiiba sa mga ordinaryong alagang-hayop ang pagtrato sa kanila. Habang ang isang landlord ay may karapatang magkaroon ng patakaran na hindi magkaroon ng alagang-hayop, sa ilalim ng mga batas sa fair housing, dapat gumawa ng eksepsiyon ang landlord at pahintulutan ang isang alagang-hayop na nagbibigay ng emosyonal na suporta bilang makatwirang pagtulong upang pahintulutan ang isang taong may kapansanan na mintinahin ang kanyang housing kapag kinakailangan (at makatwiran). Ito’y lubos na karaniwang makatwirang na pagtulong.  

Ano ang dapat gawin: Upang makakuha ng pahintulot na mag-alaga ng pusa ang iyong ina, dalhin siya sa isang therapist upang makakuha ng assessment. Kung sumasang-ayon ang therapist na ang iyong ina ay depressed, hilingin ang therapist na sumulat at sabihin na ang iyong ina ay ginagamot para sa isang pangkaisipang kapansanan at na inirerekomenda ng therapist na mag-alaga siya ng pusa para sa emosyonal na suporta. Pagkatapos ay magsulat ka rin ng iyong sariling sulat, pirmahan at petsahan ito, upang hilingin ang landlord na pahintulutan ang iyong ina na mag-alaga ng alagang-hayop na nagbibigay ng emosyonal na suporta bilang makatwirang pagtulong alinsunod sa mga batas sa fair housing. Magtago ng kopya ng sulat para sa iyong sariling record.  

Kung tinanggihan ng iyong landlord ang iyong kahilingan, maaari kang magreklamo sa ahensiya ng fair housing sa iyong lugar, sa Department of Fair Employment and Housing (DFEH) ng California o sa U.S. Department of Housing and Urban Development (HUD).

Upang mag-file ng reklamo sa U.S. Department of Housing & Urban Development (HUD), tumawag sa (800) 669-9777 o kaya’y mag-klik dito: www.hud.gov/offices/fheo/online-complaint.cfm

Upang mag-file ng reklamo sa Department of Fair Employment & Housing (DFEH) ng California, tumawag sa (800) 884-1684 o kaya'y mag-klik dito: http://www.dfeh.ca.gov/Complaints_FileComplaint.htm 

Bumalik sa itaas